ruglumbullið mitt :)

Á gönguferð um lífið

2009-07-25T23:48:00.002+01:00

Ég lagði af stað fyrir nokkru síðan, og margt misjafnt hef ég séð.
Ég hef horft á vonir bresta, augu vökna og andlit hverfa.
Margir halda að lífið sé "bara lífið", en lífið er land sem þú ferðast um á tveimur jafnfljótum.
Andlitin brosa við þér hvar sem þú kemur, ef þú kemur á réttum tíma.
Það koma ekki allir á réttum tíma.
Fólk kemur og fer.
Suma hittir maður oft, aðra aldrei. Það er allt í lagi.
Þessi gönguferð er löng og ströng og aldrei hægt að setjast niður til að hvíla sig.
Sumir þola gönguna vel, aðrir illa.
Sumir gefast upp í byrjun aðrir komast lengra, en enginn hefur komist á leiðarenda.
Allir eru á gönguferð um lífið.
Margir eru bjartsýnir og trúa því að þeir verði fyrstir til að klára ferðina til fulls, en enginn verður til þess, samt er gott að trúa á það.
Fólk er misjafnt eins og það er margt, samt er það fljótt á litið eins og flísarnar á klósett gólfinu, allt eins. En það er líka allt í lagi.
Hvert sem þú ferð, ertu alltaf að koma aftur, aftur á sama staðinn með sama fólkinu og sama umhverfinu. Skrítið ekki satt. Þú getur hvergi leynst.
En það er líka allt í lagi.
Brostu bara og þá verður gangan auðveldari og ef þú brosir oft þá þarftu engu að kvíða.
Gakktu bara þangað til þú dettur, þá þarftu ekki að ganga lengur.

skondið hvað maður rekst stundum á ofan í skúffum. Þetta er partur af ljóðaritgerð sem ég skrifaði í framhaldsskóla, ca. 17 ára.

Langaði bara að deila þessu með umheiminum ;)

shaka búmm shaka búmm búmm...

2009-07-18T06:38:00.003+01:00

loksins þegar allir hinir eru hættir að nenna að blogga, þá reyni ég að koma sterk inn aftur... án þess þó að segja nokkrum manni frá því, miklu betra svoleiðis.
Nú er sumarfríið alveg að verða búið bara... finnst manni og svona nýbyrjað... lítið gert annað en það sem tengist flutningum fram að mánaðamótum og svo reynir maður kannski að finna upp á einhverju skemmtilegu, fara með tjaldið lengra en útí garð eða eitthvað þvíumlíkt. Þó að það sé voða gott að vera bara heima hjá sér þá er heima víst best í hófi. (skemmtilegu hófi þá væntanlega, spurning um að fara að halda svoleiðis...)
Held það verði svo algert möst að halda lítið innflutningsteiti í nýja húsinu þegar flutningar verða afstaðnir... þeir sem koma og hjálpa mér að bera húsgögn milli húsa og þrífa klósettið fá sérstakt VIP boðskort. ;)

best að fá sér smá kríu áður en ég held áfram að mála...

Sumarfrí

2009-07-01T02:16:00.002+01:00

Ansi gott að vera bara í sumarfríi þessa dagana, heima að dúlla sér með syni og hundi, gerist hreinlega ekki mikið betra.
Annars erum við fjölskyldan að flytja enn einu sinni í lok næsta mánaðar, ótrúlegt að vera að standa í þessu brölti endalaust, en við erum nú ekki að fara langt í þetta skiptið, bara í þarnæsta hús eða svo gott sem.
Stóri strákurinn minn er að byrja í skóla í haust, byrjaður að lesa og reikna og veltir ótrúlegustu hlutum fyrir sér, alveg flottastur (finnst mömmu hans allavega :)) Við verðum s.s. að minnsta kosti ár í viðbót í sveitinni okkar og vonandi lengur, nema við dettum um eitthvað ennþá betra í vetur. Hér líður okkur ósköp vel og værum alveg til í að skjóta rótum, ótrúlegt en satt - hefði ekki getað ímyndað mér það fyrir 2 árum síðan. :)
Annars ekki margt annað að frétta hér, langaði bara allt í einu til að prófa að blogga smá... hver veit nema maður láti heyra í sér eitthvað áfram hérna :)

ætla að halda áfram að syngja með sjónvarpinu, dýrka þetta lag sem var að byrja.

:)

"Lifir í glóð gegnum mitt líf, straumurinn gamli, skjöldur og hlíf þess sem ég fann í fyrsta sinn...."

Sorry.... veit þetta er óþolandi

2008-01-03T02:25:00.000Z

farin aftur á blog.central, sendið emil á kristrun (at) hotmail.com til að fá aðgangsorð

Knús
KK

Jóla jól eða jólahjól...?

2007-12-29T00:15:00.000Z

Jæja gott fólk.
Ég óska ykkur öllum gleðilegra jóla og bið jafnframt þá sem erlendis búa afsökunar á því að engin jólakort bárust þangað þessi jólin, ég var eittthvað sein í þessu þetta árið. Þið sem ekkert kort fenguð í ár hljótið bara að fá ennþá fínna kort næstu jól ;)

Ég og mín fjölskylda erum búin að hafa það ljómandi gott þessi jól og ætlum að halda því áfram fram á nýja árið.

Myndi ekki gera mér miklar vonir um annað blogg á næstunni, held þetta fari bara að verða gott. ;)

Knús til ykkar allra, verið góð við þá sem ykkur þykir vænt um, búið til engla í snjónum (ef þið hafið heilsu til) og borðið mikið súkkulaði. Óska ykkur öllum gleði og friðar um áramótin og farið varlega með flugeldana um áramótin.

They know that Santa's on his way...

2007-12-04T10:59:00.001Z

Ég fór með bílinn í skoðun áðan, það var merkilega sársaukalítið, þó svo þetta sé með því leiðinlegra sem ég geri - eiginlega allt sem að tengist því að fara með bílinn minn á verkstæði er mjög leiðinlegt- næstum því svo leiðinlegt að það hvarfli að mér að selja hann og taka bara strætó. Gallinn er bara að strætó gengur ekkert út fyrir bæinn og það er ekkert rosa spennó að hjóla í snjónum... allavega ekki langt út í sveit... jámm rosa pælingar...
bakaði fullt fullt af hnetusmjörskökum í gær með dyggri hjálp frá Hilmari Erni. The Grinch er augljóslega á bak og burt. "...já sá hefði hlegið með, hann pabbi minn hefði hann séð..."
jæja, best að hella sér í verkefnavinnu... gengur ekki að sitja bara heima og borða smákökur... :p úbbs...
"...Jack Frost nipping at your nose..."
*Knús*

The Grinch has left the building...

2007-12-03T09:05:00.000Z

jæja, þá er búið að samþykkja það á þessu heimili að jólaundirbúningur megi hefjast. Byrjað að versla jólagjafir og búið að skreyta alla glugga og ein smákökusort bökuð í gærkvöldi, svona til að fá ilminn. :)
Um helgina fór ég í jólaföndur og á jólahlaðborð.
Núna er bara að rumpa af þessu blessaða verkefni sem ég á eftir og þá er ég komin í jólafrí.
jóla jóla jóla.... jájá, fínt bara.
bið að heilsa
*Knús*

ég samanstend af tvöföldum espresso og flóaðri mjólk

2007-11-19T11:20:00.000Z

Samkvæmt kaffiprófinu er ég
Latte!
og samanstend af tvöföldum espresso og flóaðri mjólk.
Hvernig kaffi ert þú eiginlega?

Latte!
Þú ert skapstór og íhaldsamur einstaklingur sem lætur ekki bjóða sér hvað sem er. Undir vissum kringumstæðum leyfirðu þér að prófa nýjungar, en þó aðeins að vel athuguðu máli.
Þú samanstendur af tvöföldum espresso og flóaðri mjólk.

(sá þetta hjá Ástu og ákvað að herma... ég er hermikráka :p )

"Öruggasta leiðin til að ganga vel er að verða ástfangin af iðju sinni."

2007-11-16T15:15:00.000Z

vá hvað þetta haust hefur liðið hratt, ýmislegt búið að gerast en fyrst og fremst æfingakennslutímabilinu lokið. Búið að vera ekkert smá skemmtilegt og þroskandi að fá að spreyta sig á þessu og ég hlakka bara heilmikið til að fara að kenna eftir útskrift.

Á núna bara eftir að skila 2 verkefnum og mæta í skólann eftir hádegi mán, þri, mið. í næstu viku og svo er það bara jólafrí. úff.. :)

Annars er ég búin að ráða mig í 50% stöðu á leikskóla eftir áramót meðan ég skrifa lokaritgerðina og hlakka heilmikið til þess líka, enda frábært að vinna á leikskóla líka og það hentar mér mjög vel með náminu.

Hef sosum ekki margt að segja annað, ætla að fara að sækja sætasta snúðinn og knúsa hann, ekkert betra en það. :)

Knús til ykkar sem lesið líka

jólin jólin alls staðar...

2007-11-12T21:19:00.000Z

... jájá, gott mál með það en eigum við samt ekki aðeins að draga djúpt andann og átta okkur á því að það er ekki einu sinni komið fram í miðjan nóvember? Verlsanir voru komnar með jólaskraut í október og nú er fólk farið að setja upp jólaljósin, sem er kannski allt í lagi að því leyti til að þau lýsa aðeins upp myrkrið og þar sem fer ekki mikið fyrir snjónum hjá okkur um þessar mundir veitir ekkert af því að lýsa aðeins upp svartnættið, en eigum við þá ekki að fara að gefa þessum ljósum einhver önnur nöfn?
Ég skal alveg gúddera það að þjóðþekktir "jólaálfar" eins og Ragnar Sverrisson séu komnir upp með sinn árlega jólabónus til orkuveitunnar, enda þegar mönnum er það kappsmál að vera fyrstir á hverju ári, þá fer hver að verða síðstur að verða fyrstur þegar kemur fram í október. En mér finnst samt alveg óþarfi að horfa á annan hvern glugga á stúdentagörðunum með jólaseríur í byrjun nóvember. Ikea var líka farið að auglýsa jólavörur í október. Sonur minn sagði um daginn þegar við vorum á leið í leikskólann "mamma, það eru alveg að koma jól, við verðum að fara að fá okkur jólatré". Afþví að hann sá skreytt jólatré í glugga á verslun sem við keyrðum fram hjá.
Því segi ég aftur, það er 12. nóvember í dag hvernig væri að draga aðeins djúpt andann og átta sig á að við þurfum ekkert 2 mánuði til þess að "tjúna" okkur og börnin okkar upp fyrir jólin, einn mánuður er kappnóg til þess.

með kveðju "The Grinch"

"Til þess talar maður að leyna hugsun sinni."

2007-11-11T00:01:00.000Z

En Hildigunnur, ég hef ekkert að segja....... !!!

I'm a big big girl in a big big world...

2007-10-29T13:46:00.000Z

Ég vissi þetta, ekki spurning... greinilega ekki verið að ástæðulausu sem ég hef í gegnum tíðina oftast sést í fylgd með fremur hávöxnum karlmönnum, náttúrueðlið segir manni ýmislegt sem maður getur ekki útskýrt sjálfur.
Þar sem ég er ekki talin sérstaklega há í loftinu sjálf, mældist rétt um 160 cm síðast og er það samkvæmt vegabréfi, þá þarf að sjálfsögðu að reyna að bæta það upp með einhverju móti fyrir afkomendurnar og þá er síður talið vænlegt að notast við strekkingartæki.

Afhverju er ég að bulla um þetta núna spyrjið þið kannski... jú, samkvæmt framtíðarrýninum Oliver Curry við Hagfræðiskóla Lundúna þá munu þeir sem verða ofan á í framtíðinni vera háir og grannir, fallegir, gáfaðir og lifa á belgísku súkkulaði og lífrænu fæði. Þeir sem ekki munu ná árangri verða ljótir og feitir, heimskir og lifa á skyndibitafæði.

Þetta er því klárlega planið:
a) halda áfram tilraunum við lífræna ræktun í stofuglugganum (þó svo það hafi mistekist síðasta sumar og nágrannarnir haldið að ég væri að rækta kannabis....bara fegin að löggan bankaði ekki uppá :p)

b) skyndibitafæði og önnur óhollusta tekin algerlega út af matseðlinum (veitir nú ekki af ef maður á að vera grannur og fallegur)

c) hefja leit að hávöxnum, vel vöxnum karlmanni sem er gáfaður og finnst belgískt súkkulaði gott. :p

hehe... alltaf gott að hafa plan ;)

Annars á mamma mín afmæli í dag, stórafmæli meira að segja. :) Þrítug í dag.... held ég... ;)
Til hamingju með afmælið elsku mamma :*

gerum okkar besta og aðeins betur ef það er það sem þarf....

2007-10-24T23:01:00.000+01:00

Ef maður stekkur ósyndur út í djúpu laugina er í raun bara tvennt í boði.
a) drukkna
b) læra að synda og það í hvelli.

ef að úr verður að ég komist út í djúpu laugina sem ég lagði af stað út í í dag vona ég svo sannarlega að ég geti valið valmöguleika b).

hehe.... stundum er gott að þjást af "stundarbrjálæði" stundum ekki.... :p

you only have to tell me and I'll be on my way

2007-10-22T23:03:00.000+01:00

ó mæ ó mæ.... já það er margt skrítið í henni veröld, en skrítnust er samt mannskepnan...
mér tókst að verða 25 ára nokkuð hnökralaust, bauð góðu fólki heim til mín á föstudagskvöldið og það var mjög gaman. Fékk fallegar afmælisgjafir og fullt af fallegum afmæliskveðjum. takk kærlega fyrir mig.
Við mamma erum hættar að kenna saman núna og erum að undirbúa einstaklingskennsluna... sem er bara spennandi, en ég er samt með svolítið stóran hnút í maganum.
ég fékk saumavél í afmælisgjöf frá pabba og mömmu, þannig að núna verður nýjasta æðið hjá mér að sauma.... hehe... endar sjálfsagt með ósköpum eins og annað... en gaman að því. Allavega gott að eiga orðið saumavél til að geta gert við saumsprettur, stytt buxur og þess háttar, þó ekki væri annað :p hihi...
ég er líka búin að fá nýju gleraugun mín og sé því orðið mun betur... enda þau gömlu orðin frekar rispuð og léleg.
æi eitthvað andlaus núna... skrifa kannski eitthvað gáfulegt síðar...
farið vel með ykkur, verið heiðarleg, sönn og góð hvert við annað. *knús*

Við þurfum ekki að fara því að ekkert liggur á. Við lúrum lengur.

2007-10-15T23:51:00.000+01:00

Jæja, eitthvað hefur borist af kvörtunum þess eðlis að ég sé ekki nógu dugleg að skrifa hérna... ætli ég verði ekki að reyna að bæta úr því.
Það er búið að vera nóg að gera undanfarið, æfingakennslan byrjuð og verður bráðum búin... ég á eftir 4 daga í 6. bekk, ætla svo að taka viku í undirbúning og fylgjast með 8. og 9. bekk og svo fara 2 vikur í ensku og dönsku. þannig að eftir u.þ.b. 4 vikur verður æfingakennslunni lokið.... trúi þessu varla.
Annars fór ég í klippingu um daginn, búið að létta aðeins á lubbanum og allt annað að sjá mann ;) hehe... þetta var nottla orðið rosalegt. Svo hélt ég upp á 4 ára afmæli litla stubbsins... trú því varla að hann sé orðinn svona rosa fullorðinn.... en samt finnst mér alveg ár og öld frá því hann fæddist, enda var tilveran svo gjörólík þá... stundum finnst mér eins og ég sé bara að ímynda mér líf mitt þá, er eitthvað svo fjarlægt veruleikanum í dag. En nóg um það. Eftir 5 daga verð ég 25 ára... nei bara djók....
Ég var líka að panta mér ný gleraugu... er verið að græja þau fyrir mig og ég býst við því að fá þau í vikunni... glæný gersamlega á kvartaldarafmælinu :) Mögulega verður eitthvað "game" á laugardaginn, en þeir sem hafa áhuga á að gleðjast með mér mega heyra í mér nánar varðandi það annars staðar en hér ;)
Annars sá ég fljúgandi apa vera að moka snjó með bleikum bananaananas í gær.... spurning um að fara að setja undir naglana sem bíða spakir í skottinu á rollunni.
Kossar og knús í bili
*mmmmwwwwaaahhhhh*

why ohh why, how can this be?

2007-09-29T00:19:00.001+01:00

Hmmm... ég er ein heima, að leggja lokahönd á verkefni sem þarf að fara í póst fljótlega helst í gær eða fyrr, en fer núna bráðum... (þurfti bara að líta aðeins upp áður en ég klára) anyways, er með kveikt á sjónvarpinu á Skjá 1 og þar er sýnt Masters of Horror og rétt í þessu var aðalpersóna myndarinnar að draga manneskju í sundur (hún slitnaði í sundur við mitti). Afhverju er ég enn með kveikt á þessu? ég á eftir að verða dauðhrædd og ein... ekki einu sinni litli kúturinn.

Er einhver sem getur útskýrt afhverju menn vilja hræða sig með því að horfa á svona hluti?

Annars eru skemmtilegar fréttir fyrir mig að ég var að fá mér ný náttföt, er að fara að hengja þau upp úr þvottavélinni og hlakka til að vígja þau á morgun. :)

Knús til ykkar krúttin mín.

So back up back up take another chance...

2007-09-25T22:48:00.000+01:00

Ég held að ellin sé að hellast yfir, enda einungis örfáir dagar (innan við mánuður) þar til allt á, samkvæmt lögum náttúrunnar, að byrja að fara niður á við. Þ.e. þá þarf maður að fara að kaupa andlitskrem fyrir "gamla húð" og fleira í þeim dúr, einnig á líkamlegt ástand almennt að fara niður á við, einungis 10 ár eftir í "æskilegri barneign" (og sonur minn er alltaf að spyrja hvenær ég ætli að fara að koma með lítið systkini handa honum, síðast seinnipartinn í dag).... það er líka bara scary að vera alveg að verða aldarfjórðungs gömul.... enda er mér illt í bakinu, öxlunum og fleiri stöðum... nú myndi maður alveg þiggja nudd...
Þegar ég var yngri (í barnaskóla) var ég harðákveðin í því að ætla að vera búin með háskólanám 25 ára og fara þá í fjölskyldupakkann... börn og bú (jafnvel maki líka) það reyndar skeikar ekkert rosa miklu hjá mér í þessu... þ.e. ég á ekki eftir nema örfáa mánuði af kennaranáminu, tók reyndar smá forskot á sæluna með barnapakkann, en honum er að sjálfsögðu alls ekki lokið af minni hálfu hvort sem yngri systkinin "koma úr frosti", frá Kína eða jafnvel á einhvern annan og hefðbundnari hátt. ;) það kemur allt saman í ljós.
Núna er ákveðið að auk þess að kenna almenna bekkjarkennslu í 6. bekk fái ég að kenna ensku í 8. og 9. bekk og dönsku í 9. bekk. :) hehe... verður spennó.
En... best að halda áfram með þetta verkefni "dauðans" sem ég á víst að vera að vinna í... Það sem menn geta lagt á sig til að gera nám leiðinlegt. :(
Anyways.... þá má alveg kommenta og segja eitthvað skemmtilegt...eða koma og nudda á mér bakið, eða gefa mér knús... eða bara segja hæ ;)

Ég sendi ykkur allavega kossa og knús :*

!!!!! Til að eyða öllum misskilning, þá er þetta ekkert svona "I'm going to die alone" krísa... bara svona elli krísa, best að hafa það alveg á hreinu!!!!

It starts in my toes, makes me crinkle my nose...

2007-09-24T23:27:00.000+01:00

jæja já... nú er maður sko búinn að fara á skauta tvær helgar í röð, geri aðrir betur, kem sterk inn eftir margra ára hlé - stefni á næsta heimsmeistarmót í listskautadansi.

Annars er margt búið að bralla, við mágkonur tókum púlsinn á næturlífinu um helgina og vorum að sjálfsögðu aðal skvísurnar á svæðinu... bara snilld. ;) takk Heiða.

En svo er bara skóli skóli núna, var alla síðustu viku í Háskólanum að hlusta á misskemmtilega fyrirlestra og svo skellti maður sér á kennaraþing BKNE á föstudeginum. Svo er bara rúm vika í það núna að við mæðgur förum að reyna fyrir okkur í kennslunni... enn í skoðun hvað ég fer að kenna ein... en kemst vonandi á hreint á morgun .... :p þá skal ég sjokkera ykkur með fréttunum.

Annars á ég að vera að skrifa eitthvað leiðindaverkefni núna, þannig það er best ég haldi áfram að stara á word skjalið og gá hvort ég nái ekki að ljúga einhverju þar.

Kossar og knús

Djöfull er til mikið af sick fólki í heiminum

2007-09-19T11:42:00.000+01:00

Kona nokkur í Ástralíu hefur höfðað mál á hendur lækni, sem sá um frjósemisaðgerð á henni. Tókst hún svo vel, að hún átti tvíbura en hafði víst bara viljað eignast eitt barn. Áætlar hún skaðann af hinu barninu vera um tuttugu milljónir íslenskra króna.

http://mbl.is/mm/frettir/erlent/frett.html?nid=1292200

Manneskja sem er búin að leggja það á sig að fara í frjósemisaðgerð til þess að eignast barn og verður svo bara fúl af því hún verður svo heppin að fá tvö en ekki eitt...

það er víst hægt að krefjast bóta fyrir ýmislegt....

But I can dream.... can't I?

2007-09-17T22:19:00.000+01:00

Ég á við veikleika að stríða sem hefur háð mér allt frá því ég man eftir mér.
Mig hefur alltaf dreymt um að vera "pen dama", en hef ekkert til að bera til þess að það geti nokkurn tíman ræst.
Þegar ég var barn dreymdi mig um að verða ballerína, fimleikastjarna eða listskautadansari... vandamálið var hinsvegar að ég var ábyggilega ópenasta stelpa sem fannst þó viða væri leitað. Mamma gerir einmitt reglulega grín að því hvað ég hafi verið mikil brussa. Svo stækkaði ég og dafnaði.... og dreymdi alltaf annað slagið um að vera dama.... samt var ég alltaf jafn mikil brussa... en það mátti láta sig dreyma og jafnvel reyna að danna sig.
Enn í dag dreymir mig um að vera "pen dama"... samt veit ég innst inni að það gerist aldrei.... vakna samt stundum og held ég geti það... fer í pils og fínerí.... það endar oftar en ekki með því að ég rölti um með pilsið girt ofan í sokkabuxurnar eða er sest klofvega öfugt á næsta stól... í verstu tilfellum fer ég í handahlaup eða stend á höndum með pilsið flaksandi og háu hælana upp í loft, eða prílandi á pinnahælum upp í tré eða yfir girðingar, klósettbása eða annað tilfallandi....
mig langar samt ennþá soldið að verða fimleikastjarna, ballerína eða listskautadansari..... allavega pen.... kannski maður fari á dömu námskeið... ætli það hjálpi?

ég bara spyr.....

2007-09-16T23:25:00.000+01:00

.... hvað í fjáranum er skyssa og hvaða dræsa er endalaust að gefa upp msnið mitt þar?????

.... hef orðið lúmskan grun um að þetta sé einhver stefnumótasíða þar sem ég fyrir forvitni samþykkti add hjá einhverjum jónasi áðan... afþví ég var svaka forvitin... og reyndar einhverjum öðrum líka um daginn.... og fékk þá þetta sama svar hjá báðum þegar ég spurði afhverju í ósköpunum þeir hefðu verið að adda mér á msn... "varstu ekki á skyssu áðan?"

pirri pirr.......

íkornapopp

2007-09-16T16:54:00.001+01:00

fyrir þá sem leiðist á sunnudegi er ég í því að útbúa skemmtiatriði.... sem mér finnast allavega fyndin... :p

http://kk.blog.is

skrollið niður síðuna þar til þið sjáið tónlistarspilara og njótið vel. :p

í stóru húsi er enginn friður

2007-09-16T12:13:00.000+01:00

Nonni litli opnaði dyrnar að hjónaherberginu og sá að pabbi lá á bakinu og mamma hossaði sér uppi á honum. Um leið og mamma kom auga á Nonna hætti hún, klæddi sig og fór fram.
Þegar Nonni sá hana sagði hann " Hvað voruð þið pabbi eiginlega að gera? "
Ja, þú veist hvað hann pabbi þinn hefur stóran maga ... og ég þarf stundum að hjálpa honum við að fletja hann niður! " sagði mamma. "
Það er algjör tímasóun hjá þér " sagði Nonni litli og brosti. "
Af hverju segirðu það " spurði mamma ringluð. "
Af því að alltaf þegar þú ferð í Kringluna á fimmtudögum þá kemur konan í næsta húsi, fer niður á hnén og blæs pabba upp aftur!"

You said: go slow. I fall behind

2007-09-15T22:18:00.000+01:00

shit hvað maður getur stundum verið einmana.... þó það sé stundum kósý að sitja einn í myrkrinu með kertaljós... þá verður það ansi leiðigjarnt eftir því sem árin líða.... og maður situr alltaf einn með sitt kertaljós.

Dont you think I know exactly where I stand? This world is forcing me to hold your hand.

2007-09-15T17:53:00.000+01:00

ú ú ú.... þetta var svo skemmtilegt... að maður skuli ekki vera löngu byrjaður á þessu :)
við Hilmar Örn drifum okkur á skauta í dag með Öglu, Jósep Heiðari og Svölu... skemmtum okkur þvílíkt vel :p tímdum varla að hætta þó svo að fæturnir væru þvílíkt að gefa sig og maður fyndi hælsærið myndast... var bara svo rosalega skemmtilegt.
Fyndið líka að þekkja meirihluta fólksins á svellinu, því að við hittum þarna Guðfinnu, Ástu Margréti og vinkonur þeirra... lítill heimurinn alltaf....sérstaklega á Akureyri. :)
maður var að sjálfsögðu eins og belja á svelli fyrst... enda ekki farið á skauta síðan 2002, en svo var þetta nú allt að koma aftur undir lokin :) Maður var náttúrulega alltaf á skautum á öllum smásvellum sem maður fann í "gamla daga", man að við Katrín Elísa fórum einhvern tíman eftir kindagötu yfir heilt tún á skautum, af því það var besta svellið sem við fundum. :p hehe.. allt notað.
En ... þetta verður endurtekið fyrr en seinna :)
Takk fyrir skemmtilegan dag Agla og co.

nýtt blogg

2007-09-15T17:52:00.000+01:00

Fékk nóg af blog.central.is áðan.... endalaust vesen á því undanfarið og eins og ég er nú þolinmóð og allt það... :p

prófum þetta ;)